((تبي تنسى))

الصقر البعيد · 08-17-2007, 12:15 AM

على بيض الورق بكتب مشاعر واحـدٍ يهـواك
كتبها صادقٍ مثل البياض اللـي علـى أوراقـه

كتبها والسكون اللي غشى ليل الحـزن هـذاك
بيشهد له ويشهـد لـه غزيـر عيـون دفاقـه

مشاعر شوقه الوافي وقلبٍ ما نسـى ذكـراك
يزوره لا شرق نوره وغـاب وعـاد مشراقـه

على باله تجي دايم تنهّـت مـا حـلا ملفـاك
يعيش بعالم الذكـرى تحسّسّهـا مـن أعماقـه

يمـر بسجتـه يـوم ٍ تديـره دورة الافــلاك
إلي يوم الوداع اللي قتل شوقـه مـن أشواقـه

يموت بماقفه دايـم و دايـم لا ذكـر ممشـاك
ظنونه تسأل عيونه يا كيـف إن الهجـر ساقـه

مسافة بينه وبيني واصوّت بالنـدى مـا قسـاك
نعم ما اقساك يا شوقٍ مرار الهجـر مـا ذاقـه

على هونك تجي زعلان وتسرع عبرتي لرضاك
تقابلها تقول إنسـى ؟! نسيـت اقلـوب توّاقـه

تبي تنسى نعم إنسى ولكن صعب أنـا أنسـاك
يا كيف أنسى ومن ينسى سليـمٍ واحـدٍ عاقـه

قضيت اسنين في حلٍ وترحـالٍ غـدت ويّـاك
سنين أعجاف طاويهـا أنـا ويـاك فـي فاقـه

عمر يمضي وأحلامٍ تسابـق ترتمـي بلامـاك
تلاشت أنطفا ضـي السنيـن ومـات باحداقـه

غرامٍ بالحشا يهدي زهور العمـر فـي يمنـاك
تبادل ما مضى بيدك يموت الزهر واوراقـه؟؟

خسارة رحت للماضي خسارة والـذي سـوّاك
ولكن ما بها جـدوى ونـار الشـوق حرّاقـه

نبي نرحل ونتناسى ومنّي مـا يجـي طريـاك
ومنّك بس .. أبي قلبي تحل وترخـي واثاقـه

لـلـشـاعــر
طـــلال أبـــا جـريــد الظـفـيـري

لمسة حنان · 08-17-2007, 01:34 AM

يسلموووووووووووووووووووووووووووو

الصقر البعيد · 08-17-2007, 01:52 AM

اقتباس:

المشاركة الأصلية كتبت بواسطة لمسة حنان

يسلموووووووووووووووووووووووووووو

مشكووووووووووره

طير شلوى · 08-30-2007, 11:49 AM

يسسسسسسسسسسسسسسلموووووووووووووووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري